ជើងមេឃពណ៌ស

ស្អាតណាស់ ស្អាតណាស់ សក់ខ្មៅរលោង

ថ្ពាល់ក៏រលោង ហ៊ឺ... ឆ្ងាញ់ហុឺ!

នែ!កុំពាល់ឆាប់ថយចេញ

ទេ!មេត្តាកុំកំណាញ់ ឱថ្ពាល់ឆ្ងាញ់អ្វីម្ល៉េះទេ

ឯណាស្នៀតសក់ដែរអូនជូនបង ហុឺ

នេះកែវនួនល្អងមិនងាយបាត់ទេហុឺ

ខ្លាចតែចិត្តប្រុសដូចជាទន្លេ

ឱបើបងដូចជាទន្លេ ឯមាសមេដូចជាមច្ឆា

សាធុ សាធុ សរសើរចិត្តបង

មែនណានួនល្អង បងហ៊ានស្បថ

ឱ្យតែប្រាកដ

បងស្បថមុខវិហារ យកព្រះជាសាក្សី

នេះហើយចេតិយ បើយើងក្ស័យជីវី

ធាតុយើងទាំងពីរទុកទីនេះ

ឱស្ពានអឺយស្ពានជួយចាំខ្ញុំផង ហ៊ឺ

ចាំពាក្យដែរបងស្បថជាមួយស្រី ហ៊ឺ

គឺនេះហើយជាសាក្សី

ថាកុំភ័យ ថាកុំភ័យ គ្មានអ្វីបំបែកយើងទេ

ជើងមេឃពណ៌សត្រចះត្រចង់

ស្នេហ៍យើងពេញវង់ ពេញវង់រស្មី ហ៊ឺ

អូនសង្ឃឹមនឹងជីវិតថ្មី

ឱស្នេហ៍យើងក្រអូបក្រៃ ស្នេហ៍មានន័យម្ល៉េះទេ