ស្រមោលស្នេហា

វាយោជំនោរ រំភើយផាយផាត់ ដួងចន្ទរសាត់ លើនភាល័យ ចិន្តារន្ធត់ស្លុត អស់ហឫទ័យ យល់ភ័ក្ត្រប្រុសថ្លៃ អាល័យខ្លោចផ្សា ទុក្ខព្រោះស្នេហា ឃ្លាតឆ្ងាយពីអូន ឱ!ផ្ទៃគង្គា ព្យុះមារបក់បោក ចន្ទចរនាំមកតែទុក្ខ ផ្ទួនៗ ឆក់យកស្នេហ៍ខ្ញុំ ឱ្យឃ្លាតពីខ្លួន ចិត្តស្វិតស្រពោន រង់ចាំផ្លូវបង គ្រប់ពេលអូនផ្សង សុំជួបប្រុសថ្លៃ ឱ!ព្រះបិតា ចិត្តកាចអ្វីម៉្លេះ ពង្រាត់ពង្រាស់ កូនគ្មានប្រណី យកទ្រព្យធនធាន ជាស្ពានមេត្រី ក្បត់នឹងសំដី ភ្លេចពាក្យសន្យា កន្សែងនិស្ស័យ ម្ចាស់ចិត្តអូនអើយ សូមអ្នកឆ្លងឆ្លើយ ម្ចាស់នៅឯណា នឹកឃើញបន្តោង ដែលភ្ជាប់វាសនា ចិត្តរែងខ្លោចផ្សា សោកាអាល័យ អូនស៊ូតែក្ស័យ មិនក្បត់ស្នេហ៍បង