Lucken in der Landschaft

Des Toi is nur a Lucken in da Landschaft Ois war's nix Ois war's nix Koane Kamin, koane Straßerl, koane Leiten, koane Bögen Mit'm Zug aus von St. Valentin über Raming schaut d' Stodt Wie a Spielzeug aus mit Malefitzfiguren I foit die Landschaft zom und schau drauf Die Bude stöhns ins Toi, in die Lucken, in die Landschaft Ois war's nix Ois war's nix Die Bude ziagt die Hackler ausm Toi, in die Lucken, in die Landschaft Ois war's nix Ois war's nix Da Werdnl kriagt sei Denkmal Da Herbst an Schuss in Kopf Da Ahrer kriegt a Schnitzel Zwoa Flaschen Bier und an Strick Die zwoa Kamin strecken si' miad Is Palais verliert sei Forb A Chef spaziert durchs Eisentor Da Oide geht Die Stadt is nur a Buckler und die Bude nimmt die Hackler ausm Toi, in die Lucken, in die Landschaft Ois war's nix Ois war's nix Die Lucken wird's verschlucken, oie Buckler, oie Buden, oie Hackler, oie Gfriser, in dem Toi, in der Enns, in da Landschaft Ois war's nix Ois war's nix Arbeit ehrt Sie mocht uns stolz Sie hoit uns zom Sie mocht uns gonz Die Stadt is reich nit wegen Ideen Sondern wengam Ruaß auf unsre Händ Wegen die Splitter in die Augen Wengam Krotzen in da Lung Ausm rohen Erz werdn Waffen, Wägen, Wir Die Händ de san da Hebel, san da Stab und da Nebel, in da Lucken, in da Landschaft Ois war's nix Ois war's nix Des Eisen des muss schmözen und da Gummi der muss picken, bis die Scheibenwischer wischen, dass ma's siagt, schau wie sche unser Landschaft Ois war's nix Ois war's nix Da Kriag is längst vorbei, wie a Loch, schitt mas zua, wos wüst ändern, wor de Zeit, in dem Toi, in da Lucken, in da Landschaft Ois war's nix Ois war's nix Von Mauthausen brocht mitm Bus, in des Feier, in dem Toi, in da Lucken, in da Landschaft Ois war's nix Ois war's nix Bomben foin vom Himmi Häuser fehlen wie schworze Zähn Später spühns Völkerboi im Krater Fongst die Kugel kriagst a neies Leben Im Winter siagst d' Kinder mit die Schlitten im Bombentrichter fahren Im Frühling liegen die Blüten von de Birnbam Wie a weiße Tuchant, a neies Glück, neier Onfong, alte Häuser, neie Zeit, neie Menschen, in dem Toi, in da Lucken, in da Londschoft Ois war's nix Ois war's nix Des Wossa, des wir kemma und da Himmi wird si' strecken und des Stadterl in der Lucken, mit de Häuserl und de Brucken, des wirds Schlucken, in dem Toi, in da Lucken in da Londschoft Ois war's nix Ois war's nix