Ramadan Bikhabat

افتحوا الباب رمضان بيخبط جاي ومعاه فوانيس وياميش ناوي يقعدله تلاتين يوم اوعوا تزعلوه لا يروح مايجيش افتحوا الباب رمضان بيخبط جاي ومعاه فوانيس وياميش ناوي يقعدله تلاتين يوم اوعوا تزعلوه لا يروح مايجيش ده ضيف خفيف قعدته حلوة، على الفطار بيجمعنا سواء أكلة جاهزة، بايتة بنلاقيها بتشبعنا بعد الفطار هنحلي بأيه، قطايف ولا قمر الدين؟ واعملوا حسابكوا بعد الفطار هننزل نتمشى في الحسين بحس برمضان لما أشوف زحمة في التراويح كل يوم واسمع مسحراتي بيقول "اِصحى يا نايم صحي النوم" نورت بيت بيت في الحتة يا رمضان كنت مستني من بدري هلالك يبان نورت بيت بيت في الحتة يا رمضان كنت مستني من بدري هلالك يبان سامع "وحوي يا وحوي رمضان جانا" في كل مكان وشايف ناس قلوبها طيبة ومليانة إيمان علقوا الزينة في البلكونات، شغلوا الراديو عالنقشبندي حضروا السحور زبادي وفول ومتنسوش التمر هندي علقوا الزينة في البلكونات، شغلوا الراديو عالنقشبندي حضروا السحور زبادي وفول ومتنسوش التمر هندي وبسرعة علشان نلحق نصلي قبل الفجر قيام الليل ونقرا ورد من القرآن ونسبح لوقت طويل قبل أما تيجي بوجي وطمطم بينا نجهز شنط رمضان يا دوبك ننزل علشان نلحق نوزعها في كل مكان وصحيح بكرة هنفطر فين، في بيتنا ولا معزومين؟ أصل رمضان بيقربنا وكل سنة وأنتوا طيبين نورت بيت بيت في الحتة يا رمضان كنت مستني من بدري هلالك يبان نورت بيت بيت في الحتة يا رمضان كنت مستني من بدري هلالك يبان سامع "وحوي يا وحوي رمضان جانا" في كل مكان وشايف ناس قلوبها طيبة ومليانة إيمان