相士大隻西 (feat. 蔣志光)

(睇相啦朋友 睇相呢先生 想發達呀 問我大隻西啦 幾時娶老婆 問我大隻西啦 幾時有仔生 問我大隻西啦 我大隻西相士 有嗰樣講嗰樣 冇嗰樣加多樣 總之多一樣不如少一樣啦 睇相呢朋友 睇相呢先生 大隻西相士 乜傢伙咋 喂 喂 喂 先生 睇你氣色唔係幾好 你埋來 等我贈兩句呢 先生貴姓啊 姓陳哇 哦 看你咁奀瘦 飲食梗系唔多充足了 係呀 你有冇踎低起身見頭暈 驚親跟住打冷震呢 有呀有呀 上得百零二百級樓梯又覺得氣喘呀 你又點知 嘩 食得多跟住會滯喎 叻 好嘢 所以話呢) 你母親原來係女人 佢嫁啱嗰個又姓陳 嗱 嗌交時常為兩蚊 拆屋又驚冇定瞓啵 嗱 你自小好驚怕打針 成日吟沉冇錢揈 你發燒梗會頭暈 做老襯梗喊dum 成日會囉囉攣 又最驚生瘡都慌死變疱疹 你都算太不幸 有乜難言盡快禀啦 等我為你排除唔使震㗎 (阿陳生 不過咁啵 你面無四兩肉 眼睸唔过目 人高似碌竹 個相生成孤獨個啵 咁有冇得救啊 有 所謂醫者父母心 等本山人指點你嘅迷津啦 聽住啦) 打牌切記咪撞西呢 血壓高你莫踎低 對住小姐咪講粗口 做乜都咪夾硬嚟 事事要認低威 講少句實會不蝕底個啵 我最怕你精得滯 偷食就要慢慢嚟 凡係賭錢 賭得勢莫過巴巴閉 擔凳仔 吖頭位 唔得嘅 仲有啊 打風行埋騎樓底 你記住頭頂鑲鋼盔 你若冷傷風想摜低 不妨食隻雞 話之你做人就冇所謂 你若遇到壞人實聽一身蟻 佢郁你 趙你 揈完又再噬 咪咁容易信人 畀人點都冇所謂 本山人絕冇嚇鬼 睇相冇得揮 雖知人人稱我金漆招牌 大隻西