日本娃娃

尋晚響東急 碰正個日本娃娃

對眼特別大 仲有尖尖嘅下巴

有啲似中森明菜 唔係講假

趣怪又特別 直頭日本化

求愛敢死隊我屬御三家

最注重浪漫又夠風騷夠肉麻

戴起副紫色太陽鏡人就瀟灑

百五磅魅力實行大轟炸

Hello こんばんは 小姐你好嗎

私は香港のMatchyです

あなたはとてもかわいい

實行用㗎文跟佢friend吓

同佢去happy跳上架Toyota

去晚飯直落共舞於Casablanca

趁高興飛身上台唱Careless Whispers

再散步月下連隨幻想吓

娶咗娃娃即刻就變晒身價

洗衫煲湯 揼骨捻背脊遞茶

一九九七哼 嗰陣冇有使怕

實行住原宿開間sushi bar

同佢去宵夜我叫 天ぷら

佢叫立立雜雜刺身鬼咁豪華

嗌找數 三千零八 成份身家

佢笑住仲話 ありがとうございました

陪佢返lobby企正個日本爸爸

佢眼𥇣𥇣大喝聲 なんですな

阿女佢今年唔夠十六and a half

佢劍道十段話同我練吓

さよなら 忍著淚說goodbye啦

Thanks, thanks, thanks, thanks, Monica

摸摸個袋哎使剩八個幾咋

蝕埋份糧𠻹呢次衰咗啦

さよなら 忍著淚說goodbye啦

Thanks, thanks, thanks, thanks, Monica

摸摸個袋哎使剩八個幾咋

蝕埋份糧𠻹 呢次衰咗啦