អស់សង្ឃឹម

អាឡោះអាល័យ ជានិច្ច

ពុំមានពេលភ្លេច ភ្លេចឡើយណា

នឹកដល់ប្រុសបង ជាសង្សារ

ដែលធ្លាប់ ឆ្លងឆ្លើយវាចា

ស្នេហា ជាមួយនឹងស្រី

ឥឡូវម្តេចបាត់ សូន្យឈឹង?

ពុំមានដំណឹង សោះណាថ្លៃ

ឬបងបោះបង់ ចោលរូបស្រី

ឱ្យរស់ កណ្តាលលោកិយ

ខ្វះន័យ សម្រាប់ចិន្តា

អូនតែង ស្រមៃ

គ្រាដែលថ្លៃ ឱ្យស្រីកើយលើហត្ថា

ថ្នាក់ថ្នម កាយា

ហើយសច្ចា ថាមិនភ្លេចអូនទេ

ខំជឿ ខំចាំសម្បថ

គ្រាដែលប្រុសស្បថ ស្បថឱ្យស្នេហ៍

ពេលនេះត្រលប់ ជាគេចកែ

ឆ្លើយដល់ សព្វសារបុព្វេ

ដែលផ្ទេរ ឱ្យយើងព្រាត់គ្នា

អូនតែងស្រមៃ

គ្រាដែលថ្លៃ ឱ្យស្រីកើយលើហត្ថា

ថ្នាក់ថ្នមកាយា

ហើយសច្ចា ថាមិនភ្លេចអូនទេ

ខំជឿ ខំចាំសម្បថ

គ្រាដែលប្រុសស្បថ ស្បថឱ្យស្នេហ៍

ពេលនេះត្រលប់ ជាគេចកែ

ឆ្លើយដល់ សព្វសារបុព្វេ

ដែលផ្ទេរ ឱ្យយើងព្រាត់គ្នា