游台湾

咱寶島古早是做叫大員

地名咧號有真濟款

風⼟民情緊報你知

南北⼆路攏有流傳

東港佇屏東出海產

⻄港台南有炊⾁圓

南港其實是佇台北

北港媽祖佇雲林縣

嘉義新港有奉天宮

彌陀舊港有三千宮

中港免講嘛佇台中

大港小港攏佇高雄

美麗的寶島是台灣

⼈講上媠的風景就是⼈

各地的腔⼝愛聽分明

南腔北調攏嘛無相仝

你是誰 (Siáng) 彼是台北人

你是誰 (Siâng) 彼个雲林人

你是誰 (Tsiâ) 伊是彰化人

啊你是誰 (Suî) 在下古早⼈

食飯 (Puínn) 配滷卵 (Luínn) 是宜蘭人

查埔 (Pio) 查某 (Bió) 彼是金門人

啊你咧乜 (Bín) 代 是阮澎湖人

講話無相像 (Sann sâng) 是鹿港⼈

現代的寶島是台灣

山珍海味是蓋齊全

你若有閒緊隨我來

各地名產我攏有攢

綴我來夜市你就知

各種的口味是⾜厲害

世界有名是珍奶

鄉民上愛請人食雞排

佮我來廟⼝踅老街

正港的滋味是有夠濟

芋粿 甜粿 菜頭粿

內行的來食桶仔雞

當歸鴨 擔仔麵 蚵仔麵線摻芫荽

潤餅捲 虎咬豬 麻油雞是古早味

烘番薯 煠番麥 鹽酥雞配冬瓜茶

豬⾎粿 燒酒螺 臭豆腐配冰豆花

紅燒鰻 ⽩菜滷 燒酒蝦佮⽺肉爐

蚵仔煎 鼎邊趖 米粉炒佮筒仔米糕

來夜市氣氛有夠好

有吃有掠算會合

咱廟口四界攏是寶

有保庇閣好𨑨迌

人講拍拼就趁青春

抑若想欲𨑨迌就趁這陣

⼤家鬥陣來遊台灣

袂輸若皇帝咧出巡