ភ្លេងការប្ដីខ្ញុំ

I-សេកហើរចោលទ្រុង ធ្លាប់ទំចិញ្ចឹម

ដបបាត់ត្រីក្រឹម ធ្លាប់ហែបហែលផ្ទឹម បង្អួត

ចិញ្ចៀនជ្រុះត្បូង អណ្ដូងខះទឹក រីងស្ងួត

អូនឈឺ ស្ទើរឆ្កួត ថ្លើមប្រមាត់សួត ខ្សោះគ្មានលោហិត ។

II-ឮភ្លេងហោមរោង បេះដូងពើតផ្សា

សំពោង ផ្កាចារ សំពងចិន្ដាចុកឆ្អិត

ទ្រខ្មែរខ្សែបី បំភ្លៃ ផ្លាស់ន័យអាណិត

បំពានការណ៍ពិត ជាន់ឈ្លីជីវិត ស្រីម្នាក់ខំស្មោះ។

R-ឱ!គ្រឿងពស្ត្រា ភ្លេងការចៅព្រាហ្មណ៍

ហែកខ្ញាំទំនៀម ហែជាន់ថ្លុកឈាម ស្រស់ៗ

បងក្បត់តោងស្បៃ ច្នៃឈ្មោះកំលោះ

ក្រាបចងអំបោះ លែងនឹកស្រណោះ ដោះដៃប្រួលប្រែ ។

III- ភ្លេងខ្មែរប្រគំ អូនយំឱបកូន

បណ្ណាការជំនូន ដង្ហែប្ដីអូន ម្ចាស់ស្នេហ៍

សេកអើយ សេកសោម ពាក់ស្រោមក្លែងរូបមាន់ចែ

លួចកាន់ផ្កាហែ លបលាក់ក្បត់ស្នេហ៍ បំពេញកាមគុណ។