Кер Төшләремә

Максатсыз тормышта барлык мәгънә беткән.

Киләчәк томаны билгесезлек белән

Хисләрне сүндерә.

Галәм бездән көлә.

Соры күктә болыт сыман без йөзәбез Җирдә.

Көндәлек арыта, тыныч төннәр кайда?

Гел килә качасы ерак-еракларга.

Анда һәрчак тыныч.

Анда һәрчак бәхет.

Тик мин күптән инде юлда, тиздән буламын, көт.

Иртәнге кояш синсез балкымый, бәгърем!

Бер генә йомыш - кер төшләремә һәр төн.

Мин күптән ышанмыйм, әкиятләр булмый,

Тик шушы көемдә мин киресен җырлыйм.

Әйдә минем белән

Йолдызларга карыйк

Һәм гомернең ахырына кадәр бергә булыйк.

Яратасың икән - беркайчан җибәрмә!

Тор һәрчак сүзеңдә, авыр сүз сөйләмә.

Кулларыңнан тотам,

Кочагыңны тоям.

Син иң ягымлы йолдызым. Мин сине яратам.

Иртәнге кояш синсез балкымый, бәгърем!

Бер генә йомыш - кер төшләремә һәр төн.

Иртәнге кояш синсез балкымый.

Бер генә йомыш - кер төшләремә һәр төн.