توب الجدع

سنين كتير بينكم وأنا شفت مرازية

حوارات وغل ونفسنة وكلام عليا

أنا راسي عالية وفي السما

ولا يوم هطاطي

ومش هفوت أو هسيب ولا حاجة ليا

توب الجدع مبقاش يليق على حد فيكم

قلبي اتوجع منكم قوي الله يجازيكم

عنيكو وحشة وبصاصين ع اللي في ايديا

حرام عليكو ما ترحمونا من عنيكم

وأنا وأنا وأنا

ولا فيكو ريحة المرجلة

وأنا وأنا وأنا

بطلت خلاص جدعنة

صحاب كتير كده ع الورق ملكمش فايدة

ملقتش منكم جدعنة لحد النهاردة

خيري عليكم من زمان مطمرش فيكم

ولا شفت منكم سندلة في حكاية واحدة

وأنا وأنا وأنا

ولا فيكو ريحة المرجلة

وأنا وأنا وأنا

بطلت خلاص جدعنة

عارف تمامكم كلكم منتوش غلابة

بتاكلوا أكل في بعضكم زي الديابة

ملكمش خير في اللي جمايلوا مغرقاكم

معقول نسيتوا قوام كده مين هوه بابا؟

وأنا وأنا وأنا

ولا فيكو ريحة المرجلة

وأنا وأنا وأنا

بطلت خلاص جدعنة

سوادكوا ليه طافح كده غاويين أذية؟

معقول في ناس بالشكل ده شياطين عفية

أبالسة عاملين طيبين والشر فيهم

يا أنا يا أنتم يلا خلاص كده بعت القضية

وأنا وأنا وأنا

ولا فيكو ريحة المرجلة

وأنا وأنا وأنا

بطلت خلاص جدعنة