تاريخ احبك

عمـري ابتـده بتـاريخ احبـك

من گلت لـي

وهسـه بديـت ايـامي والدنيا

حـلـت لــي

وانكشفلـي شي حلـو

حب وطمأنينة ودفـو

عـــرفتنـي على نفسي

جـنت مـا اعـرف منو

رممـت احلامي بيدك

ويا قلبـي المنـكــسر

انت طلعت شمس بأول

ساعة من خيط الفجر

رممـت احلامي بيدك

ويا قلبـي المنـكــسر

انت طلعت شمس بأول

ساعة من خيط الفجر

انت صوت المطر صوتك

ونظرةً عيونك سحـر

وانت فرصة تجـي مـرة

مــرة وحدة بهالعمـر

ابتـده بتـاريخ احبـك

من گلت لـي

كلشــي اختلـف لمـن لگيتـك

تحچي بسمـي

وبكـل صـراحـه اني اعتــرفلك

انـت حلمــي

مـا أكـــذب لـو گلـت

اني من شفتك عـشت

گلبـي دگ لمن عرفتك

انـي ما عايـش چنــت

للسمـا مـاخذنـي حبك

على جناحات العشـگ

نسمـة صرت انت بحياتي

مـن شفتنــي مختنـگ

للسمـا مـاخذنـي حبك

على جناحات العشـگ

نسمـة صرت انت بحياتي

مـن شفتنــي مختنـگ

انت صوت المطر صوتك

ونظرةً عيونك سحـر

وانت فرصة تجـي مـرة

مــرة وحدة بهالعمـر

ابتـده بتـاريخ احبـك

من گلت لـي