អង្រឹងស្នេហ៍ព្រែកកាំពី

I- ផ្ទះទឹកឫស្សី ស្រីយោលអង្រឹង

ស្ពានដែកទទឹង គងព្រែកកាំពី

បងប្រះខ្លួនកើយខ្នើយភ្លៅឆវី

ស្ដាប់ស្នូរវារី រលាក់សន្ធឹក។

II-រលកឈ្លោះថ្ម ថ្ងៃចរបន្ទាប

កម្រាលរនាប ជញ្ជាំងរៃទឹក

អង្រឹងស្នេហា វាចាល្ងាចព្រឹក

កែវអ្ហើយ បងនឹក ដូចទឹកនៅហូរ។

R-បើកែវគេចកែ បែរចិត្តផ្លាស់ទៅ

ប្តូរម្ចាស់កើយភ្លៅ រេតាមវាយោ

ម្ល៉េះពិតបងច្បាស់ ខ្មាសព្រែកដងអូរ

ក្បង់យកទឹកហូរ ស្រោចលាងចិត្តស្មោះ។

III-អង្រឹងស្នេហ៍ស្នង ថ្នមខ្នងគូគាប់

កុំប្រែអភ័ព្វ ស្អប់លែងស្រណោះ

កាំពី ក្រចេះ ស្រែះក្រងអំបោះ

វេញចងចិត្តស្មោះ លុះអស់សង្ខារ។