បាភ្នំរឿងថ្មី

ឈើកាច់បាភ្នំជំរំកវី

កំណើតអឺ! ស្នេហ៍ថ្មី

ត្រួតលើរឿងចាស់

កាលទុំជាសង្ឃអឺ!

បួសជើងភ្នំនេះ

មានទួលអឺ! គោកច្រេះ

ព្រំដែនសាក្សី

កំពង់ខ្សាច់ស

ភូមិគោកសណ្តែក

ទ្រូងខ្ញុំអឺ! ប្រេះបែក

ព្រោះរឿងព្រាត់ស្រី

ឯភូមិព្រះស្រែ

ប្រែទិដ្ឋភាពថ្មី

អ្នកនេះឬអ្វី

លួចលាក់ស្នេហ៍ខ្ញុំ?

ត្បូងឃ្មុំរឿងទុំ បាភ្នំរឿងថ្មី

រឿងខ្ញុំអឺ! ព្រាត់ស្រី

ដោយគេបង្ខំ

បើគេចង់ផ្ចាញ់

ខ្ញុំត្រូវឈ្នះ ដូចរូបទុំ

តែបងសូមឱ្យចិត្តអឺ! ម៉ុម

កុំធ្វើត្រាប់តាមទាវ

ដើមស្វាយតានាងធ្លាប់មានរិទ្ធិ

ខ្ញុំមានអឺ! វិបត្តិ

ម្តេចអ្នកមិនជួយ?

បើខ្ញុំដូចទុំអឺ!

បាភ្នំត្រូវព្រួយ

គេដាក់ឈ្មោះឱ្យ

ជាត្បូងឃ្មុំថ្មី

ត្បូងឃ្មុំរឿងទុំបាភ្នំរឿងថ្មី

រឿងខ្ញុំអឺ! ព្រាត់ស្រី

ដោយគេបង្ខំ

បើគេចង់ផ្ចាញ់

ខ្ញុំត្រូវឈ្នះ ដូចរូបទុំ

តែបងសូមឱ្យចិត្តអឺ! ម៉ុម

កុំធ្វើត្រាប់តាមទាវ

ដើមស្វាយតានាងធ្លាប់មានរិទ្ធិ

ខ្ញុំមានអឺ! វិបត្តិ

ម្តេចអ្នកមិនជួយ?

បើខ្ញុំដូចទុំអឺ!

បាភ្នំត្រូវព្រួយ

គេដាក់ឈ្មោះឱ្យ

ជាត្បូងឃ្មុំថ្មី