ลำล่อง เรือนสามน้ำสี่

โอย โอ้ โอ้ย ละฟ้าเอ๋ย ฟ้าฮ้องหล่า ใจสาวจินตหรามาคิดฮอดแต่ควมเก่า ควมพ่อแม่ปากเว้าสอนไว้ตั้งแต่หลัง ยังเป็นสาวน้อยน้อย พ่อแม่ว่าอย่าลืมตน ความเปิ้นสาวเปิ้นนาง อย่าหล่วงคองคุณเท้า คำโบราณเคยเว้าว่า เรือนสามน้ำสี่ กุลสตรีที่ถูกต้อง อย่ามองข้ามแต่ปฐม เรื่องเรือนสามจำบ่ได้ เลิกล้มข้อที่หนึ่งเรือนนอน ข้อที่สองเรือนครัว บ่อนที่ทำหุงต้ม ให้จัดห่มจัดล้าง สองเรือนให้สะอาด เรือนที่สามกะอย่าพลาด คือเรือนผมอย่าให้ยุ่ง หวีเรื่อยจังค่อยงาม เถิงเวลาอาบน้ำ ให้ล้างส่วยสระผม ความนิยมของคน ที่แม่นงามกะตามแล้ว แนวสามเรือนมันเศร้า ไผ๋สิเอาเจ้าเป็นคู่ โอ โอย ซู้กะหน่าย ซายบ่ใกล้ไผ๋ได้ซ้อน เพิ่นกะหมาง น้ำสี่ฟังอีกบ้าง น้ำหยังแหน่หญิงควรคิด หนึ่งน้ำติดใจตน อย่าได้โมโหฮ้าย ขอบรรยายให้ฟังสิ้น ควรบ่ควรให้คิดเบิ่ง สองน้ำอาบให้มันเลิง ตักใส่อุแอ่งไว้หมองมั่วให้ถ่ายเท สามน้ำดื่มอีกนั้นเด้ อุแอ่งให้สดใส ยามแขกไปไทมา แวะยามละอายท่าน จินตหราขอวอนท่าน เป็นคองฮู้จักที่ อีกน้ำสี่น้ำเต้าปรุงแต่งไว้ ยามเข้าเจ้าบ่อนนอน ตอนกลางคืนเทพเจ้า เพิ่นมารักษาตน รักษาคนยามนอน ยามนอน เพิ่นเบิงแยงแปงเปา น้ำก็ปรุงแต่งไว้ บูชาเทพราช หญิงใด๋อาจเฮ็ดได้ ไปหน้าสิฮุ้งเฮือง พ่อแม่เว้าต่อเนื่อง หญิงใด๋ส่างให้สดสวย ถึงสิรวยสินทรัพย์ บ่แม่นกุลสตรีได้ ไผ๋บ่จักคุณเท้า เรือนสามน้ำสี่ ฟังให้ดีเอื้อย น้องเสียงร้องเจ้าส่งมา จินตหราจำได้ เตือนความให้คิดฮ่ำ ละแม่นมีเงิน แม่นมีคำ แต่ลืมของสิ่งนี่คันไปหน้า บ่เจริญ ขอเซิญได้ แม่นหินตองใส่ฮองฮอง โอ้ โอ้ โอยละนา