ថ្នាក់លើបញ្ជាខ្ញុំទៅរៀនសូត្រ

I-វិទ្យុទាក់ទងអើងអើយ ពីបងអួងឯកអើយ ទាំងយប់ចម្លែកអើយ ស្រែកហៅឈ្មោះខ្ញុំ(២ដង)ផ្អាកវាយយប់នេះអើយ បន្ទាយរកាធំ បានប្រាប់ដល់ខ្ញុំអើយ ទៅរៀនសូត្រម្នាក់អើយ។

II-យុទ្ធមិត្តនិងខ្ញុំអើយ បារម្ភកើតទុក្ខអើយ

ព្រោះកងសន្តិសុខអើយ ចាប់យុទ្ធមិត្តបួននាក់(២ដង) ចោទថាស៉ីអាយអេ(C.I.A) បង្កប់ក្នុងបក្ស រឿងនេះខ្លាចធ្លាក់អើយ លើខ្ញុំម្នាក់ទៀត។

III-ខ្ញុំផ្ដាំបងធីអើងអើយ មើលថែយុទ្ធមិត្តអើយ

សូមកុំភ័យភិតអើយ គិតពីសុវត្ថភាព(២ដង)

ខ្ញុំចេះការពារអើយ ខ្លួនឯងទ្វេទៀត បើគេបៀនបៀត ប៉ងយកជីវិតអើយ។

IV-ពេលជួបថ្នាក់លើអើងអើយ អរស្ទើរហោះហើយអើយ បានឮចម្លើយ ខ្ញុំទៅរៀនពិត(២ដង)គេជ្រើសរើសខ្ញុំអើយ ស័ក្តិសមពិសិដ្ឋ ថ្នាក់លើពិនិត្យអើយ យុទ្ធមិត្តសក្ដានុពលអើយ។

V-វគ្គបំពាក់បំប៉នអើងអើយ កម្មាភិបាលអើយ

បណ្ដុះបណ្ដាលអើយ ក្លាយមេកងពល(២ដង)

វិលមកអង្គភាពវិញអើយ ទោរម្នេញអំពល់

ខ្ញុំបានឃើញផ្ទាល់អើយ យុទ្ធមិត្តរបួសពិការអើយ។