ស្នាមញញឹមលាយទឹកភ្នែក

១ ពេលបងលំបាកមានអូនកំដរ អរគុណភាពក្រដែលនាំឲ្យចួបនួនល្អង ជាកម្លាំងចិត្តទោះបីបងសោកមួហ្មង ស្នាមញញឹមផ្ដោះផ្ដងឲ្យបងមានកម្លាំងស៊ូ។

២ អូនមិនខ្មាស់គេពេលបានប្ដីក្រ ទោះអស់អង្ករក៏អូនមិនដែលរអ៊ូ ការងារជាច្រើនត្រូវប្រើកម្លាំងមកប្ដូរ ចិត្តបងមិនដែលទន់ទោ ព្រោះមានអ្នកនៅរង់ចាំ។

៣ ស្នាមញញឹមអូនពិសេសហើយល្អបំផុត ចិត្តស្មោះមុះមុតប្រៀបដូចជាកំពូលថ្នាំ ពេលធ្វើការហត់មិនដែលរង្គោះរកាំ នៅនឹងគ្នារាប់ឆ្នាំមានតែពាក្យថាស៊ូប្ដី។

៤ ចំណងដៃធំពេលយើងមានកូន កុំតូចចិត្តអូនដែលមកលំបាកនឹងប្ដី គ្រួសារគេមានកុំទៅប្រៀបធៀបគេអី សុភម្គលសព្វថ្ងៃ រស់នៅដោយញើសបរិសុទ្ធ។