რას გიგალობ იადონის ჰანგებით
სულ ერთია არ ხარ ჩემი გამგები
თუმც ქედს ვიყრი როგორც ქარში ჭადარი
მაგრამ ჩემი მოწყალება სად არის
შენ და თბილისს მუხამბაზებს გიმღერით
მე რა დამღლის სიყვარულზე სიმღერით
მოვალ მომაქვს ჩემი გულის დარდები
ქუჩაბანდში სადღაც მომელანდები
თუნდ ოდესმე დამივიწყო იცოდე
რაგინდ სხვისი ეშხით იწვოდე
გეფიცები როგორც შუქი თბილი მზის
მეყვარებით შენ და თბილისი
გეფიცები როგორც შუქი თბილი მზის
მეყვარებით შენ და თბილისი
თან დამყვება მუდამ შენი აჩრდილი
სადა გმალავს ქუდი უჩინ-მაჩინის
მეკარგები როგორც სხივი ქარვაში
სად გიპოვო მე ჩემს თბილის ქალაქში
დავიღალე ლოცვებით და ოცნებით
როცა გნახავ ალბათ გამიოცდები
ვით თბილისი უმზეოდ და უმთვაროდ
რა ვქნა იცი ვერ ვივარგე უშენოდ
თუნდ ოდესმე დამივიწყო იცოდე
რაგინდ სხვისი ეშხით იწვოდე
გეფიცები როგორც შუქი თბილი მზის
მეყვარებით შენ და თბილისი
გეფიცები როგორც შუქი თბილი მზის
მეყვარებით შენ და თბილისი
